احمل قلمي في يدي منذ أكثر من ساعتين ؛لا أجد ما أتحدث عنه أنظر بجانبي فأجد كومه من الاوراق المملوئه ببعض الافكار العبثيه
أتلفت مرة أخري لعلي أجد فكرة ما أصوغ بها كلماتي عشان من الاخر أرغي في أي هتش حاولت مرة أخري وأستعنت بالله وأمسكت بقلمي مرة أخري ......التليفون بيرن أطنش ولا أرد ؛ مع نظرة علي اسم المتصل (تفاهه) الحمد لله هو دا إلي هيحل المشكله دي .
انا : الو مين (بصتعبط قال يعني ما شفتش الاسم)
تفاهه : أنا ياحيوان مش عارف رقمي ولا ايه.
انا : لاعارفه بس بحب أتقل عليك شويه هههههه المهم والله أنته أبن حلال وجيت في وقتك.
تفاهه : في حاجه ولا أيه ؟؟؟؟؟
انا : أيوة بقالي ساعتين ماسك القلم وحاطط الورق قدامي ومش عارف أكتب حاجه أفكاري كلها متلغبطه وحالتي ذي الزفت.
تفاهه: الله يخرب بيتك وبيت أيامك السودة أنا قولتلك كام مره ما تكتبش حاجه يا أبني أنته غاوي تضايقني وخلاص .
انا : ليه كدا؟
تفاهه: يا أبني والله حرام عليك أنته هتموتني ناقص عمر أنا قولتلك كام مرة أني ما بفهمش منك حاجه بتقعد ترغي في حاجات غريبه
وأسلوك وحش وأنا أساسا مبحبش أقرا وأساسا مفيش حد بيقرالك غيري وباردو ما بفهمش حاجه.
أنا : يا عم حرام عليك أنته غاوي تحبطني علي طول كده مفيش مرة تشجعني .
تفاهه : أشجعك أيه وزفت أيه .... أقولك علي حاجه طالما أنته غاووي تقرفني كده كده بعد ما تكتب المقال الي يعجبك يا عم لخصهولي في سطرين مش أكتر وادي دقني باردو لو قريتهم.
انا : هو أنته فيك دقن أصلا ؟
تفاهه : بلاش أنته عشان ما أحرجكش يا أملس .
انا : تصدق أنك عيل واطي .
تفاهه : ما أنا عارف .
انا : المهم بالله عليك دور معايا علي أي فكرة كدا نكتب بيها المقال ده.
تفاهه : أيه رأيك في حكايه المعونه بتاعت محمد حسان ؟
انا : لا يا عم الموضوع دا أترغي فيه كتير أووي ........ . قولي صحيح أنته رأيك أيه في الحكايه دي؟
تفاهه : والله أنا حاسس أن الراجل دا أتورط بصراحه وحاسس أنه عاوز ياخد مكان أكبر من حجمه وأهوة في الاخر بعد ما قالك نجمع الفلوس عشان نديها للمجلس ونستغني عن المعونه اتأكدنا باردو أن المجلس مش هيستغني عنها دول مليار وي ياعم الحج وفي الاخر رايح يجمع تبرعات من الناس الغلابه حاجه غريبه .
انا : أوعي تكون دفعت فيها .
تفاهه : عيب دا أنا أساسا مفلس.
انا : ماشي باردو ما حلتليش مشكلتي .......
تفاهه : طب ما تتكلم عن نزاهه القضاء بعد موضوع قضيه التمويل الاجنبي دي إلي بقي شكلنا وحش أوووي فيها بعد ما خدوا الامريكان بالطيارة .
أنا : لا يا عم بتقلب معايا بضحك
تفاهه :ليه يعني؟
أصل كده كده كانوا هيفرجوا عنهم غير كده الطيارة الامريكيه ألي نقلت المتهمين كانت موجودة قبل صدور الحكم يعني حاجه عنب فابلاش بعد كده تقولي نزاهه القضاء والكلام الفاضي ده تاني
بقولك أيه رأيك أكتب عن عوكشه بعد العلقه الي كلها ف الاقصر .ههههههه
تفاهه : ياعم دا العادي ما هو علي طول بيضرب هات الجديد .دا أنته ممل.
أنا : تصدق ياض أنك بني أدم رخم وأنا غلطان أني اتكلمت مع أمثالك والله للآروح أنام عنه ما اتكتب يلا غور
تفاهه : سلام
انا :سلام
ليست هناك تعليقات:
إرسال تعليق