فيّ كل مراحل عُمري،مكنش فيّ علاقة ود ،َبيني وبين اي مُدرس ،علاقات عاّديه يعني بتحب بعضَّهم وبتكره مُعظمهم ،حتيّ ما أفتكرش مواقف كتير مع مُدرسين ،وأغلب ذكريات المدرسه بتبقي عن تهزيقهم ..تقريبًا بكره المُدرسين كلُهم بلا إستثناء. بسبب مواقف كتير..أولها كُنت في رابعه إبتدائي ، عيل تافه مش فاهم حاجه ، وزي الجميع مكنتش بفهم حاجه في المدرسه ،وكان الاِعتماد الآول علي الدروس ،وأكيد طالما إنك مش فاهم حاجه في المدرسه يبقي المُشكله في المُدرس ، المُشكله مش إنه مُدرس فاشل ، المشكله إنك بتكرهه ، وطالما بتكرهه يبقيّ عمرك ما هاتفهم منه كلمه .فالطبيعيّ إني ما اخدش عنده درس.
ماكنش عنده مُشكله إني قاعد طيشه في الفصل ، مكنش عنده مُشكله إني قاعد تحصيل حاصل ، مُشكلته أني باخد درس مع مُدرس الفصل التاني!! .مٌش عارف إزاي أعتبرها إهانه ليه .
وبدأت الرخامه..رخامه باللين ، سألني مابتاخدش درس عندي ليه؟!! كدبت وقالت أنا مابخُدش دروس أصلًا ، بصلي بإستهزاء وقالي بس أنا عارف إنك بتاخد درس عند (ياسر) .كدبت وأنكرت، كأن مش من حقي إني أختار أفهم من مين ،كأني مش من حقي أختار أصلًا ..وقدامك حليين يا تاخُد درس عندي أو تاخُد درس عنديّ ، خلاص هو فهم أن ليك مقدره أنك تدفعله.
بقي مستلمني يوميًا ،أنت لازم تقول لوالدك أنك عاوز تاخد درس عنديّ ، انته لازم تقول إنك بتفهم مني في المدرسه ،لازم يكون ليك شخصيه!! ، أنا هنقلك في الصَّف الاول عشان تفهم أكتر ،مع إني بحب أكون ورا عشان أنام .. ،المُهم إنه كان كلام اهبل بيقوله إنسان مريض لطفل عنده 10 سنين لمجرد أنه حس أن سَّبوبه هتطير منهُ.
لما زهقت ..قررت إني مش هكدب.. وهقول إني باخد درس عند مُدرس تاني ،لآن بفهم منه وما بفهمش منك ، طبعًا إتعفرت،أنت مش نافع، وأنا هربيك ، وأبقي خلي (ياسر) ينفعك..الجرأه اللي جابها دي كانت طبعًا عشان درجات أعمال السنه اللي معاه واللي مُتحكم فيها ،وبدأت رخامه جديده أطلع حل مسائل واثق أن مفيش طفل هيحلها !ولما ما أحلهاش طبعًا . يضحك ويقول هو (ياسر) ماشرحهاش ولا إيه !!.
مُش عارف ليه ما قلتش لآهليّ كل الفتره ديّ ، ولما عرفتهم والدي جاّلي تاني يوم ، هزأه طبعًا ، وقدر يلمه ، وباردو ماخدتش عندهُ درس ، وبدأ يتعامل معايا كأني مش موجود.
وعدت السنه ، الغريبه لما كبرت قابلته وسلم عليه، وماردتش عليه وسبته ومشيت ،لآني ببساطه بحتقرة ،بحتقر أي مدرس واخدها سبّوبه.
المهم من الرغي ده كلّه..اللي يقولك ..
(قُم للمُعَلّم وافه التبّجيلآ ..كَاد المُعلّم أن يَكون رَسولا) قله مفيش رسول بيدي دروس بعد الضُهر وبيرخم عليّ أطفال ،عشان بتفهم من رُسل تانيه =).
